والله اندمه خااااطره

والله ندمه

مـــــات جوا الكاع حبك من عكب ما جان نجمه
وشرجي صار العمر بعدك يل جنت بيامي نسمه
احنا سبحه وطش خرزها وما نرد هيهات لمه
دنيا جذابه ووكيحه وهالوكت ماعنده ذمه
وآنه حزني الجان جاهل من هجركم صار زلمه

والله ندمه

بيه وصلت انسى اسمي ومانسيت بيوم اسمه
وروحي بيني وبينه صارت لاهي يمي ولاهي يمه
شما اريد الزمها عنك روحي ماتطيني لزمه

والله ندمه

حصدوا ابستاني وردك واني حسره اعليه شمه
وكالوا المقسوم يحصل وانتظر تجمعنا قسمه
ولو سمعت اجدام مرت كلبي فرفح كال جدمه

والله ندمه

حسبت يذكر محبتي وبالبواجي عيونه تعمه
ومن ينام بغير حضني يصير تابوت اعله جسمه
بطلت عينك بواجي ورضت بشفافك البسمه

والله ندمه

شمعي نورته ابطريقك وانت شمعاتك مظلمه
وكلي يانوم الانامه وياحلم كلي الاحلمه
كافي وانساهم يكلبي وذوله موش وجوه نعمه
تكتب بدمك رسايل للي مايسواش جلمه
وبعد لا تحمدلك احد تالي هم تحتاج ذمه

والله ندمـــــــــــــــــــــــــــــــــــــــــــه

يسلموووووووو
موضوع جميل من عضو ذهبي
تحياتي

نورت الموضوع بمرورك تحياتي

دائما مواضيع مميزه تسلم

تواصلكم يزيدني امتيازا شكرا عللى المرور

يسلمو على المرور

موضوع روووووووووووعة
يسلموااااا

انتي الاروع شكرا على المرور