العنب العنب العنب .......... !!!!

^{بسم الله الرحمن الرحيم
السلام عليكم ورحمة الله وبركاته ..

مساء مايليق الا برواد هالقسم ..

الساعهـ 59 : 11 الحين ..

يرن التلفون :

: الووو !! العنب العنب .......... !!!! " title="Patch Comm" class="inlineimg" />
: هلا كيفكـ .. ؟؟
: تمام

وبعد ماسألتهم عن جدهم السابع تقولـ الزبدهـ ..

: عازمتكم على عرس بنتي بالقصر الفلاني .. العنب العنب .......... !!!! " title="010" class="inlineimg" /> العنب العنب .......... !!!! " title="010" class="inlineimg" />

:

بنتس بتعرس , متى !! >> و بقلبهـ تقولــ : بسم الله يهالناس مايدرى بهم .. !!

وعيونهـ تتجولــ على بناتهـ نضيد هالسبحهـ .. و تتسـآئل وش بيقضيكن .. ؟

: وتالنمنتالبهعغفلةىلا .............. الخ ..!!!

: سمي !! >> لقطتهـ هوآجيس ..

: اقول العرس بطاقات خاصه وممنوع اصطحاب الاطفال تكفين يام فلان لاتحرجيننا اهل الولد محرصيننا >> تمحش بام الولد وهي ماقالت شيء ياحيلة اللهـ ..

وبنتهـ بجنبهـ تنغزه : يمهـ لاتعلمينهم اني ابنزف .. ( مهب دم قصده سأزف )

و مايقولون زفه عشان ما يصير زحمه العرس ..

: بنكز البطاقات مع فلان ..

تعلن البيوت حالة الطواريء .. العنب العنب .......... !!!! " title="Patch Ordi" class="inlineimg" />

الفلان بنتهـم .. بيعرس بالقصر الفللاني بطاقات خاصهـ !!

اهم شيء بطاقات خاصهــ ..

البنت الصغيرهـ ( بتله تنسى وراه ) : هفففف الحين وراه ماجيب لي انابطاقه

, عسى عرسهم يعلق .. وراه ماكثرت البطاقات .. تخاف نشوف بنته هالعرده

و تنفق صلة الرحم .. لاصار فيه بطاقات خاصهـ كل وده يروح ..

وبس يخبر عرس ..

لازم يعلم الناس اللي يدورن لعيالهم

وهالعجزز ..

يعلمن على اروااحهن .. كل يدري انه تدور لولده ..
وماارحم انا الارقبتهـ ..

بعذره من تطلب ولده .. يبي ملكة جمال مهيب بنت :
طويله بيضاء عصلا شعره يضرب لما ذا ..
عيونه كبار وخشمه سلة سيف وعد ياللي تعد منتب قاضي من هالمواصفات ..

المشكله اللي يتشرط سبحان الله يطيح له بوحده شوده ويشوفه ملكة جمال
.,مير سبحان محليه بعينه ..

المغرب :

الفيوش : الفيشات : الفيشه ( احد ينقذن ويقول لي وش جمع الفيش تكفون )

الفيش S تشهد من هالللي مشبك عليه من فير لسشوار و لمدري وش بعد !؟

مع اذان العشاء كل وحده تقبلت المصلى عشان تحط مناكير ..

ولايحول من العصر محطوط وتحرى اذان العشاء على احر من الجمرر ..

الأم : فلانهـ طقي زينتس تراتس بعين الزبون ( عليهـ الدور ) .. عشان تخطبين وتفتحتين الطريق لهالمقطير :girl_cray:

دخلوا العرس حجزوا طاولهـ ..

الساعهـ عشر بدت الدنياا ترزح ..

دخلوا الجنب ..

زغرتي يازغروتهـ
ودقي ياطقاقهـ .. ..

من ياهلا بالمقبلين وانت حادررر ..
لـ مرحبا بقدوم خلي ..

همن تلقى ام الولد نافشتن ريشه وبناته ياارض اهتدي ماحدى ادي ..

والعجز المذكورات آنفاااا ..

شغلن راداراتهن ..

بدت الضيافهـ ...

انا فيه شيء اتسائل منه بكل عرس اطبه :

ليش بس ياخذن الشوكليت تناضرن من أي ديره مصنوع ولا من أي محل ..

طحت بهن . يمكن عشان حش فترة الضحى ..

ولا عاد ..

لاصارت االضيافه مهيب هكا اللي ..
تعالــ ياذب باللي عازمين ..

الساعه 11 ونص بدن البنات يدربن >> بساسه حشى

بدن يتقربن للمنصهـ شيئا فشيء ..
و ودهن يخربنه شوي .. بس ماجاء اللي على البالـ من الاغاني ..

عاشوووو :

قضت الطقاقه طاقه وحده من الاغاني ..

هدووووء ..

وووووووواااووواااا
وووااااوووااااا

العنب العنب العنب !!!!!!!!!!!!!!

وفجأه :

ينقلب العرس فاكهه تهزز ..

بسم الله !!!!!!!

و تزاحمت الصبايا على من تصل للطقاقهـ ..
عشان تمدحهـ ..
توضيح :
بعض الطقاقات وفقهن الله لماهو خير , لارقص احد حولهن واعجبهن تحمست وبدت تذكر لون فستانه ولا تمدحهـ عاشوو لوراء لــ خلافهـ !!

و اشتغل سوق الربطات ..
اللي شين رقصه واللي زين رقصه تساوت الخلق ..
لادامهم طقوا العنب العنب العنب !!!!!!!

وهالي قاعدين اصابهم الذهوولــ ..

والعجز ياحيلة الله , ماتدري من تنااظر ...

ازدحمت المنصه وبدأ التصبيخ ..

و بس يطقون عن العـــــــآئلهـ ..

هذولى الفلان قصرهم عالي كل النشامى يدلونهـ ..

كل الفلان كلهم لافرق الله شملهمـ

كل الفلان خيالهـ !!

والدعوى نط ونطيط ..!!

تســآؤلــ :

ليش الحريم المطوعات , عادي يحضرن عرس كشخهـ وهو فيهـ طق واورق و زفهـ !!

صدز الحريم ماعندهن طوعـ ؟! طوعهن خرآبيط يعني ! !!

الساعهـ 1.00

صكن اللمبـــــــــآت ..

و هجن الافامي يم هكا البويب اللي كبس عليهـ ..

واذا بالباب يهج و تطل العروسهـ المتحرآه ..

وابتدي يازفهــ ..

: ماش قزمـآء بالحيــل ..

:وووه من ممكيجهـ تقل مجرور وجهه على حدى جدران بيتنــــــــــــآ ..

: هو املح منهـ . ..

: عقده شكلهـ كلكــ ..

: اتوقع انه لاسبحت يتجمع الماء بهالطياس اللي حولــ رقبتهـ من نحفهـ ..

وهات ياتعليقات .. و خلافهـ ... !!

العشاء ..

بوفيهـ اكيد لادام الدعوى بطاقات خاصهـ ., قضت موضة المفاطيح ..

س : ليش القحش ابفهم !؟

لهالدرجهـ جوعانهـ ؟! طيب لو جوعانهــ ليش تبقين كل الصحن بس ملمستهـ !؟

ياكلن بعيونهنـ ..

والمتمدنــآت يبلشن بارواحهن كونهن صبرن لمين تخف الزحمهــ وغط الشوش بالصحون

مايلقن شيء !!

البعض مايدخل للعشــآء عشان يرقص .. , يعني الناس يخفون ..

لكن الطقاقات بارك الله فيهــن ..

بدن يتعشن وتركن عادتهن القديمهـ الا وهي ردحهن من الساعهـ 10 حتى الساعهـ 2 صباحــآ ..

هذولي العادياات .. اما اللي حركات ... !؟

بعد العشاء ..

عوده للرقص ..

بعد ذلكـ

كل قاضبن جوآلهـ و يدور احد يرجع بهـ للبيت ..

صبح من باتسر ..

الخطوط مشغولهـ : حش بعرس البارح ..

الله يرحم ايام السعاده واحلى الليالي والجنادريهـ

عصير هذاكـ اللي علبته زي الماء الحين ..

يوزعـ بصنايا مدري وش تبيــ .. وطقاقات براقع وعبي ..

والعشاء مفاطيح وبالارض وفاكهـ وبباسي وسفنات ويالله لك الحمد ..

تذكرون لما الطقاقهـ تصب ماء حول المنصهـ باطرافهـ .. ( كانت فرشهـ )

عشان ماحد يقعد بالمكان .. و يصير زحمهـ .. ..

شيء بخاطري حبيت أكتبهـ ..

آرآئكـــــــم ..

تمسون ع خير ..

الساعهـ

55 : 12 ص ..}

خخ
مشكوووووووووووور