تعال انزل ؟؟؟؟؟؟؟

جمالك صعدك فوك السطوح سطوح واني لخاطر عيونك بديت انزل
تتخربط جدامي وماتطيع الروح مره تميل----مره تنزل
ولك حكي من اشوفه لخصرك المليان يتمايل دلال الريح والسنبل
تعال انزل شجاني توهدنت وياك طاحونة عواطف صرت بس افتل
تعال انزل
هداك الله جمالك والنفس واحد اذا بيك النفس يصعد يرد بيه ينزل
واضم انفاسك بريتي اخاف ايروح
هسه شجاك من عندي صرت تجفل
يريم بنص حماده وصرت اني الصايود وين تروح مني بيا كتر تختل
تعال انزل
عيونك بيهن الف نيشان خلت والرمش يكتل
اجيك شايل بحضني عذاب الروح وصلت لحد عتبة الباب خلصت مابعد اتحمل
اطشهه اعلى الرصيف كبال باب البيت بيه الناس لامت والعزل يعزل
متباهي بجمالك والغرور اعماك لو بختك عماك وكام لك يغزل
اطش الروح بدروبك وكول تهون وانت سيوف بدروبي كمت تشتل
تعال انزل
صحيحه انت القساوه البيك لو طبعك لطافه وصاير تمثل
اشوفك مو هذاك انت ولاجن ذاك اشو حتى السلام وياي متبدل
تراهه ايام عشرتنه صفت غربيل كامت بالخشن عن ناعمك تعزل
واني ادري الاصيله بكيوة الخيال بيها لجامه وتصهل
تعال انزل
بقلمي سعيد السامرائي

سلمت يداك أخ سعيد
نورتنه ونورت المنتدى
تحياتي