ابــــــ لعيونكم ــــــــوذيات

ابــــــ , ــــــــوذيات


ابــــــ لعيونكم ــــــــوذيات


اليحبك كبل كالو يابه لاشاك
اعذره الكلب بيكم يابه لاشك
تبيع برخص كايم يابلاشك
ابثمن يوسف بعتني شطلع بيه

اكوم اجلالا الحسنك واقف لك
واسجل كلبي ياخلي وقف لك
وحطك بي وقفلنك وقفــــلك
واطب بصدري واقفلكم عليه

اوياك ابلشت بلشه يابلاشي
وحسافه اطلعت عندك يابه لاشي
بثمن يوسف بعتني يابلاشي
وقميصي اربع جهات انقد عليه

تدري اشكد الك كلبي ولع ظام
ازغار جروحي يهونك ولعظام
اموتن واندفن واعتك والعظام
يزحفن لك زحف لوصح بديه

مدري العيب عدك مدري عدي
مدري غلط عدك مدري عدي
مدري اوكف وطالب مدري اعدي
واكولن ينصلح ويرد اليه

بس احنا المصايب صاحبنا
لان كلساع نفكد صاحب النا
ابنا المات محد صاح ابنا
خاف نصيح ويعدمون اخيه

ايتمايل ياحلاته مره شفته
مره ايعضلي اصبعه مره شفته
عسل ياطعم شفته من رشفته
حضنته وطاحن دموعه بديه

روحي المجد والعليا وكرها
الرؤوس الخانعه اكطعها وكرها
اموت امنل بخل واهله واكرها
وجريمه اشعر بخيل ايسوس بيه

بصفكات وهلاهل ودعاني
وهوه الكتل حبنا ودعا اني
وده ابجي وده انوح او ودعاني
او وده مايمر الفرح بيه

اني الدوى العلاتك ونا الداي
وجريمه انت اصبحت خصمي ونداي
المثل حصو مانكط ونا داي
الحصو ابنص المحيط اويشح ميه

مشكوووووور